РУССКИЙ  |  O'ZBEKCHA  |  ENGLISH                          

       O'zbekiston Respublikasi Moliya Vazirligi

RONALD JEYMS POLLETT: O‘ZBEKISTON HAR TOMONLAMA ULKAN SALOHIYATGA EGA MAMLAKAT

16
Fev 2018
503 marta ko'rildi

RONALD JEYMS POLLETT: O‘ZBEKISTON HAR TOMONLAMA ULKAN SALOHIYATGA EGA MAMLAKAT

Concrete

Mamlakatimizda amaliy tashrif bilan bo‘lib turgan AQShning yetakchi kompaniyalaridan biri "Jeneral elektrik" korporatsiyasi vitse-prezidenti Ronald Jeyms Pollett yurtimizda amalga oshirilayotgan keng ko‘lamli islohotlar va o‘zaro hamkorlik istiqbollari haqida fikrlarini bildirdi:

– Avvalo, O‘zbekiston Respublikasi Prezidenti Shavkat Mirziyoyevga samimiy qabul, mazmunli va samarali muloqot uchun chin dildan minnatdorlik bildiraman.

Men O‘zbekiston Prezidenti bilan uchinchi marotaba uchrashyapman. Bugungi uchrashuvda Prezident Janobi Oliylari kompaniyamiz O‘zbekistonga nafaqat yuqori texnologiyali uskunalar yetkazishi, balki ularni mahalliylashtirish imkoniyatlarini o‘rganish, global ta’lim resurslari va "Jeneral elektrik" kompaniyasi mezonlaridan foydalangan holda mutaxassislar tayyorlash, malakasini oshirishga oid dasturlarni amalga oshirish masalalariga alohida to‘xtaldi.

O‘zbekistonda ro‘y berayotgan barcha o‘zgarish va yangilanishlarni, mamlakatning xalqaro hamjamiyat bilan teng sheriklik asosidagi hamkorlikni yanada mustahkamlash borasidagi sa’y-harakatlarini alohida qayd etmoqchiman. O‘zbekiston xalqi azaldan bilimi, mehnatkashligi va yuksak salohiyati bilan mashhur. Biz mana shunday keng imkoniyatlarga ega mamlakatda faoliyat boshlagan xorijiy kompaniyalardan biri bo‘lganimizdan mamnunmiz.

Keyingi vaqtlarda O‘zbekistonda amalga oshirilayotgan keng ko‘lamli iqtisodiy islohotlar, sarmoyadorlar uchun yaratilgan qulay investitsiyaviy muhit va imtiyozlar AQSh ishbilarmonlarining ham mamlakatingiz bilan uzoq muddatli va o‘zaro manfaatli hamkorlik munosabatlarini rivojlantirishga qiziqishini oshirmoqda. Xususan, valyuta siyosati, jumladan, erkin konvertatsiya tizimi joriy etilgani, aeroportlarda "yashil yo‘lak" yo‘lga qo‘yilgani xorijlik ishbilarmonlar va sayyohlar uchun keng imkoniyatlar yaratadi.

O‘zbekiston menga juda yoqadi. Ayniqsa, Samarqand, Buxoro va Xiva kabi qadimiy shaharlar haqida ko‘p o‘qiganman. Qani edi, imkoni bo‘lsa, bemalol tomosha qilardim. Bu mening orzuim.

Ma'lumot manbai: uza.uz

Oxirgi o'zgartirish Juma, 16 Fevral 2018 09:58

Izoh qoldiring

Make sure you enter the (*) required information where indicated. HTML code is not allowed.

Biz ijtimoiy tarmoqlarda

Yangiliklar taqvimi

« Iyun 2018 »
Dush Sesh Chor Pay Jum Shan Yak
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

Obuna bo'lish

Statistika

Hozir 636 mehmonlar va ro'yxatdan o'tgan foydalanuvchi yo'q saytda

Arxiv

Agar siz matnda xatoliklarni aniqlasangiz, sichqoncha bilan belgilab, administratorni xabardor qilish uchun Ctrl+Enter tugmalarini bosing

© 2018 O'zbekiston Respublikasi Moliya vazirligi. Barcha huquqlar himoyalangan. Saytdan olingan
ma'lumotlardan foydalanilganda O'zbekiston Respublikasi Moliya vazirligining rasmiy veb sayti 
www.mf.uz ko‘rsatilishi shart. Saytni ishlab chiqish va qo'llab-quvvatlash Moliya vazirligi AHM tomonidan amalga oshiriladi

DMC Firewall is developed by Dean Marshall Consultancy Ltd